Valdaveto.net

Grazie all'amico Giovanni Ferrero, ho ricevuto in dono un agile libretto risalente al 1975 ed intitolato "Tito Dodero poeta dialettale boccadazin" [1].
Il libretto di poesie reca un'introduzione di Aldo Agosto ed è illustrato da valenti pittori genovesi quali Giacomo Picollo, Enrico Novali, Giovanni Ferrero, Dario Re, Rino D'Anna.
Dal libretto mi piace estrapolare alcune brevi note e due poesie: BOGGIASCO e 'NA DOMENEGA D'AEGUA IN CAMPAGNA.

Il poeta Tito Dodero, colui che, nel suo incantevole Boccadasse, "ha sempre soccorso i poveri" e, durante i bombardamenti aerei di Genova "tenne aperta la porta di casa sua a tutta la popolazione" riposa da vent'anni nella pace verzicante e silente di Staglieno.
Un vecchio marmo inciso rammenta di lui:
Autentico ligure d'ogni virtù fece tesoro e le profuse senza risparmio.

Boggiasco

In questo giorno coscì splendente
Comme l'è bello in riva a-o mâ
Godî un spettacolo de sô lûxente
Gustâ a salseggine de l'aia mainâ
Che co-i profummi de fiori e limoìn
A ve resciòa i vostri polmoìn

Comme t'è bello a cäo Boggiasco
Cö doçe tò clima de stâe costante
Cö generoso tò vin de fiasco
T'è 'na vea perla, t'è un diamante
Tanto corteisi son i têu abitanti
Molto graziosi i têu villezzanti

Ghe vêu 'n'Angiou a cantâ a tò bellezza
Percé a mâe cetra a l'è insufficiente
Ghe manca l'estro, a no l'è a l'altezza
Ciammiô l'aggiutto de l'ex Prescidente
Che comme un Tascio nonché Torquato
O-a sà piggiâ in basso e in ato.

Ben spallezzòu da-o cao Paolin
Che co sêu naso quâexi Dantesco
O ghe spicchiâ primma in latin
Con ton serio e poi burlesco
O-a declamiâ con forsa d'arte
E a perfescion o faiâ a sêu parte.

Tutto contento l'ex Prescidente
d'ese coscì ben appoggiòu
Un nêuvo ardî in chêu o se sente
Cantando finn-a da perde o sciòu

O paghia 'na bottiggia e finn-a un fiasco
sbraggaindo Evviva... EVVIVA BOGGIASCO.

Boggiasco di Giovanni Ferrero

'Na domenega d'aegua in campagna

Comme l'è bello trovase in campagna
Quande ciêuve zû a derûo
Quande o çè o no se stagna
E che a dûa de segûo

Sempre in casa confinòu
Finché o sô o no sciorte fêua
Me pâ d'ese imprexonòu
Comme o pin de 'na nissêua

Agueitâe ogni momento
Da'n barcon se cessa l'âegua
Sempre a ciocca, sciuscia o vento
E pe zûnta no ho de pâegua

Perché o scopo da campagna
O l'ea pe l'aia bonn-a e o sô
E pe andâ sciû pe-a montagna
Serva o bacco e o parasô

E con questo tempo matto
De saette lampi e troìn
No veddeì pe-a stradda un gatto
Se o paghesci un maranghin

Gìo pe-a casa comme un nescio
E arraggiòu comme un can
Voeì dormî ma sei adescio
Che ve mangia comme o pan

Tante mosche impertinenti
Che ve sûssan a ciû no dî
Senza tanti complimenti
No ve lascian ciû dormî

Pensâe solo a o mangiâ bon
E vorriesci ogni momento
Disnâ pronto e colazion
Questo o diggo in mâe zûamento

V'ha provvisto o maxellâ
Unna trippa de vitello
Che ben chêutta e accomodâ
Con bittiro bon de quello

A ve scampa a ve repiggia
Con un gûsto de pignêu
O l'è un piato de Faggia
Bon pe-i grendi e pe-i figgiêu

Pe protesta de questo tempo
Mi che beivo San Pellegrin
Beviô invece pe passatempo
De bon barbera un bello gottin.

Aegua in Campagna di Giovanni Ferrero

Note

[1] Tito Dodero poeta dialettale boccadazin. Poesie 1900 - 1945, Editrice Liguria, 1975.